3.బతుకమ్మ ఆడుదాం!(Bathukamma Adudam)
బతుకమ్మ బతుకమ్మ ఉయ్యాలో - బంగారు బతుకమ్మ ఉయ్యాలో
కరుణించ రావమ్మ ఉయ్యాలో - కాపాడి మమ్మేలు ఉయ్యాలో
శాంకరీ పార్వతీ ఉయ్యాలో - శాంభవీ నీవమ్మ ఉయ్యాలో
కాశిమల్లె పూలు ఉయ్యాలో - కనకాంబరాలతో ఉయ్యాలో
మందారపూవుల ఉయ్యాలో - మాత నిను పూజింతు ఉయ్యాలో
పారిజాతం బంతి ఉయ్యాలో - బీరపూవుల తోడ ఉయ్యాలో
సీతజడ పూలతో ఉయ్యాలో - శ్రీలక్ష్మి పూజింతు ఉయ్యాలో
మా ఊరి గౌరమ్మ ఉయ్యాలో - మా తల్లి నీవమ్మ ఉయ్యాలో