బుజ్జిమేక బుజ్జిమేక ఏడకెల్తివి - Bujji Bujji Meka Edikelthivi

బుజ్జిమేక బుజ్జిమేక ఏడకెల్తివి - Bujji Bujji Meka Edikelthivi

బుజ్జిమేక బుజ్జిమేక ఏడకెల్తివి ?

రాజుగారి తోటలోన మేతకెల్తిని.

రాజుగారి తోటలోన ఏమి చూస్తివి ?

రాణి గారి పూల చెట్ల సొగసు చూస్తిని

పూల చెట్లు చూసి నీవు ఊరుకొంటివా ?

నోరూరగ పూల చెట్లు మేసి వస్తిని.

మేసి వస్తె నిన్ను భటులు ఏమి చేసిరి ?

భటులు వచ్చి నా కాళ్ళు విరగకొట్టిరి.

కాలు విరిగి నీవు ఊరుకొంటివా ?

మందుకోసం డాక్టరుగారింటికెల్తిని.

మందు ఇచ్హిన డాక్టరుకు ఏమి ఇస్తివి ?

చిక్కనైన తెల్లపాలు ఇచ్చి వస్తిని.

డాక్టరుకు పాలిచ్చి ఇంటి వద్ద ఏమిస్తావు ?

గడ్డి తినక ఒక పూట పస్తులుండి తీరుస్తా.

పస్తులుండి నీకు నీరసం రాదా ?

పాడు పనులు చేయనింక బుద్దివచ్చెనాకు