అమ్మ పాట గేయం - Amma Pata Telugu Vegam(Rhyme)
ఆటలంటే మాకిష్టం - పాటలంతే మాకిష్టం
ఆటల కన్నా పాటల కన్నా - అల్లరి పనులే మా కిష్టం
సినిమాలంటే మా కిష్టం - మిఠాయిలంటే మా కిష్టం
సినిమాలకన్నా మిఠాయిలకన్నా- షికార్లు అంటే మా కిష్టం
పిట్టలంటే మా కిష్టం - పువ్వులంటే మా కిష్టం
పిట్టల కమ్న్నా పువ్వులకన్నా - చెట్లు ఎక్కడం మాకిష్టం
కొత్త బట్టలు మా కిష్టం - పౌడరు స్నోలు మాకిష్టం
బట్టల కన్నా పౌడరు కన్నా - మట్టిలో ఆటలు మాకిష్టం
టీచర్లంటే మా కిష్టం - పాఠాలంటే మాకిష్టం
టీచరు కన్నా పాఠం కన్నా - బడి సెలవంటే మాకిష్టం
వెన్నెలంటే మా కిష్టం - వానలంటే మాకిష్టం
వెన్నెల కన్నా వానలకన్నా - అమ్మ ముద్దులే మాకిష్టం